Castellano
Detalle trámite
O procedemento de "solicitude de licenza de vaos" ten como obxecto establecer os requisitos e o procedemento para o outorgamento da licenza de reserva de espazo para a entrada e saída de vehículos solicitada por aquelas persoas propietarias e/ou posuidoras lexítimas dos inmobles ás que se lles deba permitir o acceso, así como quen promove ou contrata nos supostos de obra.
Persoas físicas ou xurídicas que desexen solicitar unha licenza de vaos.
Preferentemente de forma telemática a través do botón "Iniciar trámite". Se a persoa interesada non utiliza a vía telemática, poderá descargar o impreso ou impresos dende esta páxina ou acudir ao rexistro do Concello, onde lle facilitarán o dito impreso/s normalizado/s para presentar.
- Solicitude de licenza de vaos.
- Plano de situación. Plano de situación do local/garaxe para o cal se solicita a licenza de vao, incluíndo fotografías da fachada do inmoble no que está situado o dito local/garaxe.
- Licenza de apertura/obras (exentas vivendas unifamiliares). En caso de locais comerciais, ou ben de obra nova/obra maior, achegarase a correspondente licenza, acreditativa de exercer unha actividade comercial, ou de que se están a realizar obras que motiven a necesidade dunha licenza de vao.
- Xustificante de pagamento do IBI. Copia do último recibo do imposto sobre bens inmobles (IBI).
- Escrituras de propiedade ou contrato de aluguer.
- Xustificante de pago de taxas. Instruccións Pago Online. (ver)
- Ordenanza xeral municipal nº 32, sobre tráfico, circulación de vehículos a motor e seguranza vial.
- Ordenanza fiscal nº 9, reguladora da taxa por entrada de vehículos a través de beiravías e reservas de vía pública para aparcamento exclusivo, parada de vehículos, carga e descarga de mercandorías de calquera clase.
Nome: Solicitude de licenza de vaos.
Unidade tramitadora: Urbanismo.
Inicio do procedemento: A instancia de parte.
Tipo de interesado: Persoa física ou xurídica.
Órgano de resolución: Alcaldía; por delegación a Xunta de Goberno Local.
Carácter silencio administrativo: Silencio positivo.
Prazo de execución: 3 meses
Recurso aplicable: Potestativo de reposición / Contencioso - administrativo.
Taxas/impostos: Consultar a ordenanza fiscal do apartado de normativa.
Outras: Recibido o acordo deberá solicitar á Policía Local que lle facilite a sinal oficial. Sinal de vao: 16,18 €/placa oficial autorizada do Concello de Melide que terá que ser aboada logo de ter a autorización concedida.
Canles de atención: Telemático (Iniciar trámite).
Presencial.
